Ezizim şu bereketli ojakda,
Bir zady belläp goý, eşdip goý senem.
Ýetginjek mahalym çagyryp ýanyna,
Bir haýyşt edipdi garryja enem.

Diýdi\" Çykaraýma ýadyñdan, balam,
Bir käse un al-da ir bilen ugra,
Açlykda alypdym, berilmän galan,
Bir käse un bergim bardy Mamura.

Aglajakdym boş gaýtarsa yzyma,
Kän otyrdym bosagasyn dyrmalap.
Şonda ol bar unyn böldi-de ikä
Berdi maña bir käse un gyrmalap.

Razy et, köşegim, Mamur ejäni,
Diý islän ýermize ýetýär elimiz,
Algyñ öwezine näme sorasa,
Ony hökman tapyp beräýmeli biz\".

Soñra enem kän seredip otyrdy,
Elimdäki ýeke döwim nanyma.
Bir halta un alyp ertesi irden,
Bardym menem Mamur ejäñ ýanyna.

Ol bürküldäp duran päkize uny,
Üçgezek gaýtalap syldy ýüzine.
Doldyryp aldy-da moýly käsesin,
diýdi "Şu, köşegim, algymyz ine.

Galanyny äkit guzym öýñize,
un alan artykmaç getirýän däldir.
Gyt bolsyn, bol bolsyn çörek diýlen zat,
Öz mukaddesligin ýitirýän däldir\"

ATAJAN ANNABERDIÝEW.