Birnäçe kitaplaryň awtory we bedenden çykmagy (astral syýahat) barlap gören 40 ýaşly Sibirli barlag geçiriji Mihail Raduga düýşlerini kontrol etmek üçin drel arkaly kellesini deşip, beýnisine elektrod oturdypdyr. Tejribe barada ol öz Vkontakte hasabynda gürrüň berýär.

Raduga neýrohirurgiýa bilen gyzyklanýar we Internetdäki wideolardan ylym öwrenýär. Synanyşmazdan ozal ol tejribäni bäş gezek goýunlarda geçiripdir. Ol tejribäniň dowamynda gan ýitirmeginiň netijesinde ölümiň bäri ýanyndan gaýdandygyny aýdýar we beýlekilere bular ýaly tejribelerden uzak durmaklygy maslahat berýär. Raduganyň aýdyşyna görä tejribedäki esasy kynçylyklar onuň hirurgiýadan tejribesizligi sebäpli ýüze çykypdyr.

Ýöne ol hiç gynanmaýar sebäbi ol çip arkaly düýşlerini dolandyrmagy köpden bäri arzuw edýän eken. Ilki ol operasiýany özi dälde, professional hirurglara geçirtmegi meýilleşdirýär. Bular ýaly operasiýanyň kanuna garşy gelýänligi üçin hiç hili hirurg tapylmandyr, netijede onuň özi töwekgellige baş urýar. Elektrodyň goýulanyna bellibir wagt geçendigine garamazdan, ol hiç hili üýtgeşme görmeýändigini aýdýar.

Çeşme: Life.ru