Gözüñe ýaş dolup, köñlüñ gam bassa,
Ahli pikirleriñ gurşanda gussa,
Meñ barlygymy unutma herhal,
Edil şol pursatda, meni ýada sal.

Ýürek gyssa, ýer tapmasañ özüñe,
Bu giñ dünýe dar görünse gözüñe,
Aladañ çözmäne bolmasa amal
Ýeterin kömege, meni ýada sal.

Tomus ýatla,
Ýatla ýazda, aýazda,
Ýollaryña altyn düşeýän güýzde.
Ýyllar geçip saçyña gireninde çal,
Meñem saçym çalaranyn, ýada sal.

Dünýeden ir gitsem, aglama asla
Ýadygär suratym bagryña basda,
" Ýanymdan ir gitdiñ" diýmezden ozal
Ýüregiñde diriligim, ýada sal