Üç gün başy bagtdan ýaña aýlanyp,

Adamyñ şatlykdan bogulan güni.

Begenjin paýlaşyp toýlar toýlanyp,

Il günün dost ýaryn doýuran güni.

1.Ne düşünüp bilýår ne gepläp bilýär,

Çaga aglaýandyr töwerek gülýär,

Nätanyş keşpler hem üýtgeşik dünýä,

Göz açyp eneden dogulan güni.

2.Ýaşlygynda dadyp söýgiñ lezetin,

Görnüp dursa ýaryñ keşbi gözýetim,

Görmek üçin bile şatlyk ezýetim ,

Bir ykbala baglar döwülen güni. 

3.Perzent gerek daýanmaga adama,

Ýaşy uzyn eýe boljak adyna,

Gowuşanda sallançagyñ badyna,

"Kaka boldum" diýip öwünen güni.

"ŞULARY GÖRSEM " DIÝP ÝAŞAR ÖMRÜNI,

INE, ADAMYÑ IÑ BAGTLY ÜÇ GÜNI.

Şanazar Hydyrow