Epilen dyzyňa başymy goýup,

Ýalança düşünmän zaryn naladym.

Halyma düşünen dertdeşim bolup

Barysyn gözümden bir sen aňladyň.

Bir biwepa üçin dertlerim döküp

Gujagyňda egisipdim içimi

Ýaňaga syrygan ýaşlarym syryp

Şonda-da ýazgaryp durmandyň meni.

Hyýanatdan beter dostdan köýemde

Şorja maňlaýymdan taýly ogşapdyň.

,,Balam Hudaý atly dostumyz barka

başga dost nä gerek" diýip sözläpdiň.

Agladym agladyň aglanym üçin

Ynjasam her sapar bagryňa çoýduň

Owaldan tegmilli hasta ýüregňe

Ýönekeý zat üçin tagmalar goýdum.

Ýykylan göwnüme umyt döredip

Seniň öwütleňden şu güne ýetdim.

Eje, ,,Lälijegiň" bagyşlaweri!

Kä ýagşy öwütleñ deňinden geçdim.

A.Haýytmyradowa