Daşyndan agyrrak görnen adamlar,

Ýakyndan seretseň ýeňiljek eken.

Men pula gyzamok,diýýän gyzlaram,

Jübüňi tersine çöwürjek eken.

Ýürekden söýüşmek azalan ýaly,

Hemme ýalan söýgä göwünjeň eken.

Hasap bilen ýöremeseň dostlukda,

Gatnaşyk köprüsi döwüljek eken.

Biraz puluň bolsa jübüňde häli,

Adyňam jan diýip tutuljak eken.

Pulsuzrak adamam gadyrsyz ýaly,

Köplükde bir gyra itiljek eken...