Peru döwletiniň paýtagty Limada ýerleşýän «Central» restorany dünýäde iň gowy restoran diýlip yglan edildi. Bu barada «mydroll.com» habar berýär.

Dünýäniň müňden gowrak restoran hojaýynlary we bilermenleri 2023-nji ýylyň iň gowy restoranyna ses bermäge gatnaşdy. «2023-nji ýylyň iň gowy 50 restorany» (The World s 50 Best Restaurants) baýragyny almak ugrundaky bäsleşigiň netijeleri Ispaniýanyň Walensiýa şäherinde mälim edildi. Şu ýyl peruly baş-aşpezler Wirhilio Martines bilen Pii Leonyň restorany geçen 2022-nji ýylda iň gowy restoran diýlip ykrar edilen Kopengageniň «Geranium» resrotanyndan öňe saýlandy.

«Central»-yň web sahypasynyň berýän maglumatlaryna görä, Perunyň ýerli aşhanasynda ýerli önümler we aşpezlik goşundylaryny ulanýarlar. Ozal bu restoran Latyn Amerika sebitinde iň gowusy hökmünde bäş gezek ykrar edilipdi we onuň birbada 11 wekili şu ýylyň iň gowy 50 restoranynyň sanawyna girizildi. Aziýadan ilkinji 50-lige 7 restoran görkezilýär.

Ýazmuhammet AKMÄMMEDOW,
Türkmenistanyň Döwlet energetika institutynyň 1-nji ýyl talyby.