Nämeden doýsaňam,dünýäden doýma,

Seň derdiňi,her gün dadanlar barka.

On teňňä,hiç zadam düşenok diýme,

Bir teňňeden arzan,adamlar barka.

Diri wagtyň durmuşuňdan utulma,

Hakyň almak üçin,hijem utanma,

Ýönekeý zatlary maksat tutunma,

Ýerden,aý üstüne ädenler barka.

Sözde many bolsun,şänikde maňyz,

Ynam bar ýerinde,ters akar deňiz,

Ýöne aňsat-aňsat ynam berkemez,

Entek,iki ýüzli nadanlar barka.

Akyl beýik zatdyr,seretmez ýaşa,

Beýik bol,adyňy daşa yaz,daşa,

Watan üçin,bergilisiň hemişe,

Gan döküp,duzuny ödänler barka.

Kuwwat Ýazmuhammedow