Ana şonda meni öldi biläýgin !

Haçan-da köneje duşan ýermizden,

Geçen wagtyň gözleriňi ýumaýgyn.

Meni taşlap, aýra düşen günmüzden,

Saňa bolan mähir, söndi biläýgin.

Ý.Allabaýew

Seni ýüregimden söýenim bilip,

Meni goýup, gidip bilseň gidäýgin,

Bu gün bolsa meniň ýüregim dilip,

Başga birin söýüp bilseň söýäýgin.

Hyýallaryň bir gün göwnüňden göçse,

Aýralygy sowgat etseň edäýgin.

Maňa bolan söýgiň düýbünden öçse,

Saňa bolan ynam, söndi biläýgin.

Ýüregiň başgany söýenni bilsem,

Men seni söýemok diýseň diýäýgin,

Emma seni özge gujakda görsem,

Ana şonda meni öldi biläýgin.

A.Jumamyradow