GARYP GÖRDÜŇMI?

Her kim, deňi bilen, sözleşer boldy,
Sözle gardaş meni, garyp gördüňmi?
Garyndaş-doganlar, sözleşmän boldy,
Aýdaý başgalary, ýakyn gördüňmi?

Hiç haçan bolmaýar, dokuzyň doly,
Bolsada ertesi, gidýändir bary,
Bäş günlük dünýäde, ýaşaýar bary,
Aýdaý sözlerimi, ýaman gördüňmi?

Ulumsy bolsaňda, pully bolsaňda,
Yakyn bolman synlap, daşda dursaňda,
Gezekli dünýäni, bilmän geçseňde,
Garyndaş-dogansyz, kömek gördüňmi?

Bir gün geler, hassa bolar adamzat,
Kömek gerek, nirde gardaş dogan zat,
Göwne degip, göwün gözläp etme ýat,
Yatlardan ylgaýan, hossar gördüňmi?

Aglar ýürek, sebäpsiz bir ýerine,
Ejz gelýär, bu dünýäniň zaryna,
llmyrat ýatladar, seret gözüňe,
Günüñ şöhlesizde, aýy gördüňmi?

Ilmyrat Annasähedow.