BILMÄN GEÇER SEN

Kim bilip dur, niçe ýyldan ne görner,
Şol wagtyň gelmese, bilmän geçer sen,
Kim bilip dur, niçe ýyldan dag göner,
Şol wagtyň gelmese, duýman geçer sen.

Ykbal ýollarynyň, gurluşy nedir,
Wagtyň boş geçende, durmuşyň nedir,
Aýt maňa pikriňi, netijäň nedir,
Şol pikriň barlygyn, aňman geçer sen.

Geçer sen pikirler, ummana batsa,
Bilmersen, her minut, şadyýan geçse,
Bu dünýäň ýazgydyn, ykballar biçse,
Ykbalyň teşnesin, ýoýman geçer sen.

Günä işleriniň, ýazgydy nedir,
Sogap işleriniň, garşysy nedir,
Bilseňde her günüň, barlygy nedir,
Şu günki barlygyň, saýman geçer sen.

Manyly sözleriň, kalbyňa gelmez,
Kalbyňa gelsede, diliň sözlemez,
Gala bolup, ýaman diliň saklamaz,
Her sözüň manysyn, duýman geçer sen.

Ilmyrat bil, dilden beter bela ýok,
Az gürläp geçene, Şowsuz gala ýok,
Ömür boýy, bu dünýäde duran ýok,
Durmuşyň ýollaryn, ylgap geçer sen.


Ilmyrat Annasähedow