Weýs baba hakynda

/Weýsel Karan, Weýsel - Karany/

Iň soňky kämil dini bolan Yslam dininiň wekili Muhammet aleýhissalamyň döwründe sahabalaryň sany gün geçdigiçe köpelýärdi. Şolaryň arasynda Weýsel Karany atly Sopy ýaşap geçipdir.

Türkmenleriň arasynda '' Düýäniň piri kim?'' diýip sorasaň hökman Weýs baba diýip jogap berer. Sebäbi ol Düýe bakýar eken.

Weýs babanyň doly ady Ueýs ibn Amr ibn Jeze ibn Mälik Karanydyr.

Ol Arabystanyň günortasyndaky sähralyk Ýemende ýaşapdyr.

Takwa hem namazhon Weýs baba hakynda örän köp rowaýatlar bar. Terkidünýälik edip çöllerde gezip, düýe bakypdyr. 657-nji ýylda ýa-da 658-nji ýyllarda dünýeden ötendigi takmyn edilýär.