Ýalňyşan ýene men boldum???


Ýalňyşan ýene men boldum,
Gowy zatlar etjek bolup.
Aglasamam belent durdum,
Ejizlikden gaça durup.

Ýalňyşaň ýene men boldum,
Edip bilmän dogry saýlaw.
Süýji ýalana ynandym,
Hakykat däl eken,aýlaw.

Ýalňyşan ýene men boldum,
Her kime gowudyr öýdüp.
Ynanyp syrymy berdim,
Puç etdiler eýdip-beýdip.

Ýalňyşan ýene men boldum,
Käbir zadyň ýerin bilmän.
Içime salyp köp gezdim,
Ýüregimdäkini diýmän.

Ýalňyşan ýene men boldum,
Wagtlaýyn duýgular duýup.
Az açyldym,köpem soldum,
Bilmedim ýürekden söýüp.

Ýalňyşan ýene men boldum,
Aladalara çyrmaşyp.
Köp zatlara göz ýetirdim,
Gowy düşündim ýalňyşyp.

Hatyja A.B.