Gyzykly jumleler!

Hasaplamalara görä, adamlar hepdede 6 sagadyny kitap okap geçirýärler.
* * *
Dünýäde iň uly kitap Amsterdamyň muzeýleriniň birinde saklanylýar, onuň galyňlygy ýarym metre barabardyr. Kitap «Deňiz ýollarynyň düzgünleri» diýlip atlandyrylýar.
* * *
Adam okaýan pursadynda 50 göterim wagtyny dürli harplara seredýär. Şol pursat görüş nokady hem dürli taraplara ýaýraýar.
* * *
Adamlaryň 95 göterimi çalt okamaga ukypsyzdyr. Olar bir minutda 180 — 220 söz okap bilýärler (1 sahypany 1,5 — 2 minutda okaýarlar).
* * *
Haýal okamak çalt okamaklyga görä, gözüňi ýadadýar.
* * *
Adatça, haýal okanyňda 60 göterim düşünip bolýar, çalt okanyňda bolsa 80 göterim düşünmek mümkindir.
* * *
Bir sagadyň dowamynda gözümiz okaýan tekstimizde 57 minutlap saklanýar. Galan 3 minutynda bolsa, dynç alýar.
* * *
Ilkinji kitaby çap eden adam Iogann Gutenbergdir. Ol 1440-njy ýylda ilkinji kitaby çap etmek bilen diňe bir Ýewropada däl, eýsem, tutuş dünýäde çaphana işine badalga berdi.
* * *
Italiýanyň meşhur suratkeşi Leonarda da Winçiniň golýazmasyndan ybarat bolan «Lesteriň (Beýik Britaniýanyň gadymy şäheri) kanunlar ýygyndysy» dünýäde iň gymmat bahaly kitap hasaplanylýar. Ol, esasan hem, halkyň hal-ýagdaýyny gowulandyrmak üçin alnyp barylmaly işler barada ýazypdyr. Häzirki wagtda bu kitap Amerikanyň meşhur işewür adamy Bill Geýtsiň eýeçiligine degişlidir.
* * *
A.P.Çehowyň «Hameleon» kitaby iň kiçi kitap hökmünde Bütindünýä rekordlar kitabyna girizildi. Onuň göwrümi 0,9 mm barabardyr.
* * *
Psihologlaryň aýtmagyna görä, gowy ýazylan kitaplary okap, özümiz hem oňat gürlemegi endik edinýäris.
* * *
Agata Kristi dünýäniň iň meşhur ýazyjylarynyň biri hasaplanylýar. Onuň 78 sany eseri dünýäniň 44 diline terjime edilip, 2 milliona golaý kitaby satylypdyr.
* * *
Dünýäde iň uly göwrümli sözlük nemes diliniň sözlügi hasaplanylýar. Onuň awtory doganlar Ýakob we Wilgelm Grimmdir. Sözlük 33 kitapdan we 33519 sahypadan ybaratdyr.
* * *
Bi-bi-si Britan umumymilli jemgyýetçilik teleradioýaýlymlar guramasynyň geçiren barlag işlerine laýyklykda, köp sanly kitaplaryň awtory Çarlz Darwin «100 beýik adamlaryň» sanawynda dördünji orny eýeledi.
* * *
Alym Jozef Addisonyň aýtmagyna görä, fiziki maşklar bedeni taplaýan bolsa, kitap aňyňy kämilleşdirýän guraldyr.

©Gyzykly