Ejeler ir gidýär perzentlerinden,

Ýazgydy, çözgüdi, nobaty bilen.

Bu dünýä sygmajak hasraty goýup,

Bu dünýä sygmajak hormaty bilen.

Ejeler ir gidýär perzentlerinden,

Hut bolmaly zatdeý, üýtgeşik bilmän.

Perzentler alaçsyz, diş gyjap galýar,

Ýalançyň çözgüdin üýtgedip bilmän.

Ýa-ha deňleşdirip ömürleň kaddyn,

Ýa-ha janyňdan jan berip bolsady.

Göz açyp ilkinji görýän käbäňi,

Gözleň ýumulýança görüp bolsady.

Kerimhally