Eneň-ataň bir zat haýyşt edäýse,

Mydam bolýar sözüň diliňde bolsun.

Boş sözlere birden gahar edäýseň,

Hemişe öz erkiň eliňde bolsun.

Durmuş diýmek pyçakdan bir merdiwan.

Ondan çykman bolmaz eliň gyýdyrman,

Birden baýlyk gelse saňa duýdurman,

Dişlän gaty nanlaň ýadyňda bolsun.

Birine dost bolsaň ýada söýgüli,

Hijem arkasyndan diýme aýbyny.

Süýt tapsaň begen,gözlemegin gaýmagy,

Şükür sözüň her bir demiňde bolsun.