Aýnada özümi görmek islämok,
Göremde-de, görkezmeýär özümi.
(Kim biler diýsene, göwnüçökgüniň
ýigrenýändigini görse özüni)

Ha-ha-haýlap joşup gülesim gelýär,
Aýyryp ýasama ýylgyryşlary.
Käteler meňzejek bolýanymam geň,
Göremde asmanda uçýan guşlary.

Geň gerek, seni üýtgeden sagadyň,
Meni üýtgedibem bilmeýändigi?!
Yşky ykbalyma wagtlaýyn berip,
Hemişelik guss:a güýmeýändigi?!

...Bolýar, ýene şo-ol derdimi aýdyp,
Başlamaýyn indi, goýaýyn gowsy.
Daşarda iýul bar, gursakda ataş,
Öňkiler deý ýanyp, geçreýin tomsy.


Ylham GURBANALYÝEW