Gijeki oýlar...

Ýene goş ýazdyrdy gijäň göçünde,
Tükeniksiz günleň agyr tirkewi.
Bu geçen gün kime şatlyk eçilse,
Gaýgy-gama duş edendir, gör, kimi?

Gör, kimler şu günde gerendir gujak,
Ömürboýy küýsäp gelen bagtyna.
Gör, niçe enäň ýüzi düşendir,
Bir nurana ak posalak agtyga.

Täsin
Juda täsin
Müňläp ykbala
Berip şowly-şowsuz niçe peşgeşi.
Deregine azajyk wagtyň "ogurlap"
Bu günleriň dem salymda geçmesi.

Belki, şu ahwala uýalandyr ol
Geçen günüň ýasyn tutýandyr ahmal
Gara pürenjegiň atyp başyna
Ýene-de
Tümlüge bürendi asman