Käbäm

Ýollaryma şamçyragym,

Ömrümiň manysy Käbäm.

Gereginden gereklänim,

Gyş günleriň ýazy käbäm.

Joşgun berýän ylham çeşmäm,

Zybanym, ylahym Käbäm.

Men hemişe seniň teşnäň,

Mähriňden ganma ýok Käbäm.

Iki dünýäň jennet tagty,

Halal aýagyňda Käbäm

Allaň beren uly bagty,

Iň uly baýlygym Käbäm

Ömür goşulsyn ömrüňe!

Sežde dilegimde Käbäm.

Goý,degsinler meň göwnüme,

Ynjamasyn köňlüň Käbäm!

Aýlar Haýytmyradowa