awesome
25.06.2023 00:41
Bir adamyň öňüne “gowy” ýa-da “erbet” belligini goýmagyň ýerine, “Ol adamdan näme öwrenip bilerin?” diýip oýlanmagy endik etmeli. Aslynda biziň dünýäde duşmanlarymyz ýok, diňe bize kömek etjek jandarlar bar. Meselem, biziň göwnümizi ýykan we bizi gaharlandyrýan adamlar bize sabyr etmegi öwredýärler.
Esasan biziň köp gaharlanýan ynsanlarymyz, bize köp zat öwretjek ynsanlardyr. Şol ynsanlary özümize mugallym hökmünde kabul etsek, olara bolan garaýşymyzam üýtgäp, minnetdarlyk bildireris.
Şonuň üçin daş-töweregimizdäki adamlary görip ýa-da duşman hökmünde däl-de, mugallym hökmünde kabul etsek, has ýerlikli bolar diýip pikir edýän. Şeýle-de hemişelik öwrenmegi, bir problema başymyza düşen wagty başdan geçirip öwrenýäris. Diýmek, mesele ýok bolsa öwrenjek zadymyzam ýok diýmekdir. Her adamyňam dünýäde öwrenmeli maglumatlary bardyr. Biz ol maglumatlary öwrenýänçäk ol zatlar dürli-dürli görnüşde öňümizden çykar. Şol bir zatlary birnäçe gezegem gaýtalamagymyz mümkin. Aslynda bu zatlar tötänligem däldir. Ýagny bize öwretmek üçin öňümizden çykan mugallymlardyr. Mundan soňra mesele hökmünde seredýän wakalarymyzdan dynmak islesek, täze garaýyş bilen şol meseleden sapak edinip, şol bir ýalňyşlyklary gaýtalamajak bolmaly. Eger biz sapak almasak, ol sapagy bize öwretýän mugallymlary (wakalary) edil magnit ýaly özümize çekeris we şol bir wakalary başdan geçireris.
Size agyr gelen, ajy wakalaryň soňundan “Bu waka maňa näme öwretdi?” diýen soragy özüňize soraň.
Diýmek, her dürli adamlar bize täze zatlar öwredýär. Kämilleşen adam, aňyny ösdürmek üçin öňüne çykan wakalardan sapak alyp, ýoluna dowam eder. Kämilleşmedik adam bolsa, ol islenmeýän wakalaryň garşysynda ejizläp, olary näletlär.
