Äpişgäni açyp ýagyşly günde
Jahana ümsümlik giräýen çakda,
Otyryn saýlanyp, ýagyşy synlap.
Diñe sen hakda.

Geläý, mähribanym, al-elwan geýnip,
Goşa ýüzügmiziñ taýyny dakda.
Düýşüm, huşum boldy ençe ýyl bäri
Diñe sen hakda.

Toýda, märekede ýa-da ekranda,
Goşa juwan göze ile pursatda.
Oýlanýan şolarda görüp gözüñi
Diñe sen hakda.

Käte gussalamdan sowulmak üçin,
Gidýän başga ýurda, bolýan uzakda.
Alyslarda barha artýar oýlarym
Diñe sen hakda.

Sebäp ömrüm, durkum bir saña bagly,
Bir-birekden näçe aýra bolsak-da,
Galdy mende hemişelik bu oýlar
Ýalñyz özüñ hakda,
Diñe sen hakda..