Igor Agliýskiniň "Ýüz sözdäki durmuş" goşgusyna wariasiýa

Agy. Emzik. Sallançak. Düýş.
Hüwdi. Gundag. Galpak hem diş.
Selpeme. Oýunjak. Jigi.
Keman. Şänik. Aşyk. Jübi.

Mekdep. Ikilik, soň bäşlik.
Pökgi. Badak hem basdaşlyk.
Oýun. Ýaňsy. Dawa. Ýumruk.
Syrylan baş. Otly. Gulluk.

Oba. Köçe. Mellek. Pagta.
Şäher. Dellek, soň paýtagta.
Kitaphana. Tahýa. Synag.
Talyp ýyllar. Käýinç. Sylag.

Söýgi haty. Gyz. Duşuşyk.
Leksiýa. Uky. Kitap. Yşyk.
Internet. Arzuw. Ýyldyzlar.
Eller. Lebler. Aşyk gözler.

Seýilbag. Oturgyç. Bilbil.
Kofe. Sessiýa. Diplom. Gül.
Toý. Tomaşa. Gaýyn. Giýew.
Durmuş. Gahar. Öýke. Kine.

Dostlar. Futbol. Arpa suwy.
Pikir. Baý bolmak arzuwy.
Ogul. Hüwdi. Sallançak bag.
Alada. Gam. Ýürekde dag.

Öý. Işdeşler. Öý. Maşgala.
Deňiz. Tanyş we başgalar...
Söwda. Baýlyk. Pul. Maksatlar.
Telewizor. Kino. Hatlar.

Dynç alyş. Bag. Gürrüň. Çäýnek.
Çal saçlar. Gan basyş. Äýnek.
Agtyk. Hüwdi. Sallançak. Öý.
Pensiýa. Derman. Ak goýun toý.

Dem alyş. Jykgyldy. Sagat.
Säher. Agy. Molla. Tabyt.


Seýitmyrat Geldiýew