Eger erke bagly bolsady ýürek
Men seni hiç haçan söýmezdim gülüm 
Açlarsyň öýtdüm meniň bagtyma
Açylşy deý bilbil üçin bägüliň.

Men seni hiç haçan söýmezdim gülüm
Eger öz erkimde bolsady ýürek
Käşga ýüregime buýrup bilsedim
Özümi söýerdim men saňa derek. 

Eger öz erkime bagly bolsady
Meniň diýen etmez däli ýüregim
Şonda men söýgüden daşda bolardym
Hem seni hiç haçan söýmezdim gülüm.

awtory: Bagt HOJAMYRADOW