Sen bir Allañ humaý guşy,
Kalba ylham bolan gyzym.
Başym täji, göwnüm hoşy,
Şirin aýdym, gazal gyzym
Aýym gyzym, meniñ gyzym...

Meňzäp günüň şöhlesine,
Meňzäp dagyň çeşmesine,
Ojagymyň rehmetine,
Göyä Hakdan habar gyzym,
Aýym gyzym, meniň gyzym...

Sensiň dünýämi ýaz eden,
Seň bilen dogdum täzeden.
Ömrümi ylham saz eden,
Owaz eýläp çalan gyzym
Meniň gyzym, aýym gyzym...

Jennetden iberilen gülsüň,
Ykbalyň güllesin, gülsün.
Gözleňde mydam görünsin,
Arzuw, umyt, ynam gyzym
Aýym gyzym, meniň gyzym...