Çiğit ýaly gövni barka olaryň
Sebäpsiz zenanlaň gövnüne degmäň
Parhy ýok ejeňmi, aýal doganyň
Sebäpsiz zenanlaň gövnüne degmäň

Gynamaň bilbili kapasa salyp
Ýaşasyn berlenje ömrüne degmäň
Törde öz gülüňiz oturka solup
Başga bir bilbiliň gülüne degmäň

Mündüm durmuş atly,uly ulaga
Münenim ýaňydy, eýýäm duralga
Alsaňyz maslahat guýuň gulaga
Sebäpsiz zenanlaň gövnüne degmäň!

Hudaýberdiýev Mukam