"Dostuň öz diline sakmy ýa sak däl?"
Dostuň öz diline sakmy ýa sak däl? –
Bu sowal üstünde oýlanma uzak.

Illeriň syryny saňa aýdýarmy –
Sak däl,
Aýdanokmy –
Sak.
           **********
Dostlaryň dawasy
– Adam dünýä iki gezek gelenok.
Ýene bir iç! Bu boluşyň bolanok.

– Juda dogry aýdýaň: iki gezek däl.
Şoň üçinem şundan artyk gerek däl.
           **********
Idegsiz mazaryň başujunda gojanyň aýdany
Ulusyny sylamak kiçiniň däbi, köşek.
Ölüsini sylamak – diriniň däbi, köşek.
Ölüsini hormatlap bilmeýän dirileriň
Ölendenem has ozal
Öldügi dälmi, köşek?

Kerim Gurbannepesow.