Çaga wagtym hezil eken günlerim,
Iýjegimem, geýjegimem gaýgy däl.
Kän aglardym uly sesde gygyryp,
Gözýaşymyñ sebäbi hem söýgi däl.

Top oýnardyk köçeler-de tozaşyp,
Tigir sürdük wazyladyp, dyzaşyp.
Gün ortadan agaryna garaşyp,
Käte penjireden gaçan çaga biz.

Parh etmezdi paslyñ gyşy baharam,
Boşadardyk käbämiziñ naharyn,
Käte-de getirip kakañ gaharyn,
Endamdan tut çybyk geçen çaga biz.

Üýtgeşikdi ol döwüriñ günleri,
Goparardyk ýañy açan gülleri,
Reñkli suwlar begendirse kimleri
Kola derek "kompot" içen çaga biz.

gysgaldylyp alyndy.

Hajymyrat