Men senden aýrylyp nirä gideýin?,
Sensiz dem gutarar, durar bu wagt,
Bile arzuw etdik gowy günleri,
Sensiz nirelerden gözläýin bagt?!.

Men senden aýrylyp nirä gideýin?,
Señ mähriñi berip bilmez başgalar,
Bir çetimde golum tutup durmasañ,
Men nädip guraryn bagtly maşgala?!.

Men senden aýrylyp nirä gideýin?,
Ädimlem ädilmez, dönerin hassa,
Çeşmäm ýaly suwarmasañ göwnümi,
Kim ýasar sadaja ussadan ussat?!.

Söýgä beýle jadylydyr öýtmändim,
Bir sen bar pikirim, hyýalym, küýüm,
Gursagyma hyjuw beren melegim,
Men senden aýrylyp nirä gideýin?!.

©Baýram BEJIDOW