Tanapyny saña dañdym ykbalyñ
Emma, suw basyp dur umytly külbäm,
Hat-da çüýşelerem başyn egip dur,
Içimdäki derdi sygdyryp bilmän.

Saña-maña ýetdirmedi bu bagt,
Ikimizem, göz-gülban, bir görgüli,
Ýazylmadyk täleýmiziñ öñünde,
Sen-ä söýgä,... Menem bagta bergili.

Köplenç, senli günler ýaşatdy meni,
Muny saña kän aýdypdym başda-da,
Duýgylarmy ikiýana garjama!,
Ynanmak başga zat, söýmek başga zat.

Söýüpdimem, ynandymam şonçarak,
...Özümi özümden sowadan eken,
Hernäme diýseñem başlangyjyndan,
Yşkyñ jemlemesi owadan eken...

©Baýram BEJIDOW