Bolup gitdi (Ogulbossan Atdanowa bilen Duet)

Saña gowuşmaklyk armanym bolup,
Eden arzuwlarym puç bolup gitdi.
Şol meni ýaşadýan jadyly üç söz,
Ýüregme sanjylan uç bolup gitdi.

Täleýim mañlaýma çekipdir gara,
Salypdyr kalbyma bitmejek ýara,
Sen menden, men senden açamda ara,
Bagtsyzlyk başyma täç bolup gitdi.

Ýürek küýsär hergiz, menden gitseñem,
Özge gyzyñ bagty bolup bitseñem,
Peýdasy ýok indi sabyr etsemem..
Bagtym gelerinden giç bolup gitdi.

Gaçyp gutulma ýok eken ýazgytdan,
Ömür çykma ýok ekeni çyzgytdan,
Biziñ tapdyrmayan söýgimiz gytdan..
Indi dilimizde hiç bolup gitdi.

Ogulbossan Atdanowa

Ykbal oýny elimde däl nädeýin?
Aglap gabaklarym çiş bolup gitdi.
Ýüregimem zol-zol adyñ gaýtalap,
Señ soñsuz söýgiñe aç bolup gitdi.

Şowly däl ekeni çeken bijämem,
Günlerimiz ýetişmändi süýjäbem,
Gözýaş bilen her ötüren gijämem,
Barha sowaşmana güýç bolup gitdi.

Bir wagtlar ugruñda bolan jan-serek,
Ýüregmiñ daşynam örtüpdir kerep.
Ğül büräp hoşboý ys saçmana derek,
Içki dünýäm doñup daş bolup gitdi.

Ömrüm siñdi saña ýazan syýama
Ornaşypdy yşkym utanç-haýama.
Beslän arzuwlarmyz dönüp hyýala
Senli günlerimem düýş bolup gitdi.

Hajymyrat