Şägirt halypanyň öýne gelende,
Hasrat çekip oturanmyş o bende.
Gözýaş dökýärmişin çekip dert-elem,
Şägirdem deň aglanmyşyn oň bilen.
Halypaň derdiniň ýetmän anygna,
Olam ýas tutupdyr geldikçe göwne.
Ahyry halypa agysyn kesip,
Daşaryk ýönelýär ýuwaşja basyp.
Şägirdem tirkeşip, galmandyr ondan.
«Ýaňky bolşuňy geň gördüm senden.
Diýipdir halypa şägirde garap:
«Hasrat meň başymda, meň halym harap.
Duýmaýanam bolsaň bu bolşuňda müýn,
Seň agyň häki bir göwünlik üçin.
Bilmän aglaýanmy näme sebäbe,
Goşulan bolýarsyň eýerip däbe.
Magadyna ýetmän, özgä öýkünen,
Ahyr bir gün bu bolşuna öküner.
Gözýaş öz bagryňdan syzyp çykmasa,
Ne peýda howaýy hasrat çekmede?»