Säher öwsen sergin şemal ýene-de,
Gozgap dur dertlerim sen hakda bilseñ.
Kapasada galan lerzan ýüregim,
Indi kabul edäýermikä gelseñ?

A belki etse-de ederdem welin,
Söýgüm öñkiler deý ýylylyk çoýmaz.
Depelenen arzuw hyýallarymam,
Özlerini öñkileri deý saýmaz.

Ujypsyz sebäpdi eden bahanañ,
Ýürekleri sowadanña degmedi.
Söýgimiz bar zatdan güýçli diýsek-de,
Şum aýralyk oña boýun egmedi.

Nädip boýun bolsun sen bir tarapda,
Aýak depip durduñ sözüm diñlemän.
Belki saña ýeñildirem unutmak,
A men bolsa heniz-heniz ýeñlemen.

Setirlerim okarsyñmy ýa-da ýok?
Birden baryp ýetse şuny bek belle.
Ölsem bu jesedim gömülmezden öñ,
Señ üçin köýeni görüp git gelde.

Hajymyrat