AÝRALYK PURSADY

Seniň, "Hoşgal" diýip, giden şol günüň,
Ömürlik gitjegňi duýmandyr göwnüm.
Belki, ykbalymyz şeýledir biziň,
Belki muny özüň islänsiň gülüm.

Sen şonda gideňde  saçlaryň darap,
Synlap duran ýaly batyşyn Günüň,
Alaçsyz galypdym yzyňdan garap,
Ýöne sen bakmadyň yzyňa gülüm.

Eger wagty dolap bolsa yzyna,
Dolap, seni göýbermezdim şol günüm,
Gitseňde, o dünýäň dowzah oduna,
Giderdim bileje, seň bilen gülüm.

Baýramgeldi Täçmyradow