Ýolagçysy boldum ýolda taşlanyň
Şowsuz soňlanyldy, şowly başlanym
"Dünýämden git!" diýip,
buýran "hoş gal"-yň
Hemmäni buýurar, buýurmaz meni.

Gaýgyrman etsem-de elimde baryn,
Aýralyk ýürege möhürlär dagyn.
Içinden çykarmak islänje aňyň,
Hemmäni aýyrar, aýyrmaz meni.

Birmeňzeş günlerem ömri tutsa-da,
Ykbalym ýer alar bagtly kyssada.
Mydam höwürdeşim bolan gussa-da,
Hemmäni doýurar, doýurmaz meni

Gün geler, gülmikä?
Ýandakmy, garak?
Bilýänim olary görkezmez garak
Şol gün "Başy darak, guýrugy orak",
Hemmäni oýarar, oýarmaz meni.



Ylham GURBANALYÝEW
20.05.23