DURMUŞ

Bu durmuş, şeýle bir elhenç ekeni,
Ilkinji nobatda, ýalan gep-gybat.
Gep-gürrüňden beter aýralyk diýseň,
Aýralykdan beter, elhenç hyýanat.

Bu durmuş, şeýle bir hatarly eken,
Gezip bolmaz eken hatyrjem bolup,
Sen näçe goransan, goran barybir,
Arkaňdan urýalar, ýüzüňe gülüp.

Bu durmuş, şeýlebir zalym ekeni,
Munda söýmekligem jenaýat meger,
Ömür baky ýanyp, köýüp ýörmeli
Ýalňyşyp birini söýäýseň eger...

Baýramgeldi Täçmyradow