Durmuş, täsinlikden doludyr bilseň,
Başga biri aglar, eger sen gülseň,
Ýönekeýje zada begenýäň ýogsam,
Şol ýönekeý zadyň, görübi bardyr.

Pikir etme, hemme ýamandyr diýip,
Gezmegin hemmäni, özüň deý bilip,
Nadanlaň ýanynda, danalyk aýyp,
Kütekleň özüniň aryby bardyr.

Pul sowup gezseňde, baýlar mysaly,
Gezseňde jübüň boş, sergezdan ýaly,
Unutma, geçýändir. Bu dünýäň haly,
Pulsuz baýy, pully garyby bardyr.
                         Baýramgeldi Täçmyradow