Saçak ýygnaldygy gybat başlanýar,
Topby ýalyk aýak uja taşlanýar.
Gülkileri goňşy jaýa eşdilýär,
Üýşülende aýal doganlar bilen.

Hersi gürrüň berýär bolan wakany,
Boşadýarlar içi çaýly käsäni.
Wada berip doldurýarlar kisäni,
Üýşülende aýal doganlar bilen.

Agyzdan başlanýar gürrüňleň başy,
Saýlanok kiçini ýa uly ýaşy.
Tomaşa öwrülýär töwerek daşy,
Üýşülende aýal doganlar bilen.

Çagalarnyň hersin bir ýan kowarlar,
Bir birlerini taryp edip öwerler.
Şol gijäni şeýdip hezil sowarlar,
Üýşülende aýal doganlar bilen.