Kimkä?

Pikir edýän durmuş hakda,
Ejizlänmem duýamok kä,
Öňde-soňda şu maňlaýa,
Täleýi ýazylan kimkä?

Kimkä meň ömürlik höwrüm,
Durmuş ýoly öwrüm-öwrüm,
Söýüp-söýüläýjek döwrüm,
Söýgüm bolup geljek kimkä?

Görksüz kalbym syrçalajak,
Ýalňyzlygmy parçalajak,
Dünýäm içre gunçalajak,
Gül açjak bagbanym kimkä?

Duýgyň diňe ot däldigni,
Ýa bir ýalan zat däldigni,
Dünýäň ajy öt däldigni,
Subut edip söýjek kimkä?

Duýmasa ýürek ýazarmy?
Ýazyp ýeňlenýär, ýalanmy?
Wah, meň söýgüden ýananmy,
Kemlik bilmän söýjek kimkä?!