Din Ližen küşt oýny boýunça 17-nji dünýä çempiony boldy.

Bu gün, 30-nji aprelde Gazagystanyň Astana şäherinde geçirilýän küşt boýunça dünýä çempionatynda hytaýly grosmeýster Din Ližen russiýaly Ýan Nepomnýaşiny (Ян Непомнящий) utmak bilen dünýä çempiony bolmagy başardy.
(Oýnuň netijeleri - 7:7; tie-break 2,5-1,5)

Küşt boýunça dünýä çempiony diýen at resmi taýdan 1886-nji ýyldan bäri berilýär. Din Ližen - küşt boýunça dünýä çempiony bolan ilkinji hytaýlydyr.

Mundan öňler, dünýä çempiony diýen ada SSSR-iň we Russiýanyň 9 sany küştçüsi mynasyp bolupdy: Aleksandr Alýohin, Mihail Botwinnik, Wasiliý Smyslow, Mihail Tal, Tigran Petrosýan, Boris Spasskiý, Anatoliý Karpow, Garri Kasparow, Wladimir Kramnik.

Mundan başga-da, Wilgelm Steýnis, Emanuel Lasker, Hose Raul Kapablanka, Maks Eýwe, Robert Fişer, Wişwanatan Anand we Magnus Karlsen dürli ýyllarda dünýä çempionlary bolmagy başardylar.