Ak didary meňzär aýa ,

Aljak gyzdyr aljak gyzym.

Hakdan razy bu serpaýa ,

Alçak gyzdyr aljak gyzym.

Arşa näzli , diýseň kejir ,

Näzin çekmek däldir ejir .

Sözi süýji bişen injir ,

Alçak gyzdyr aljak gyzym.

Lowlar ýürekdäki yşgym,

Agraslygy bezär keşbin.

Giňäp gitdi koňük köşküm,

Alçak gyzdyr aljak gyzym.

Bu gün düşdi başa heser,

Ýylgyrşam kämil eser .

Ýedi ölçäp ,ýeke keser ,

Alçak gyzdyr aljak gyzym.

Günüň nury düşen ýaly ,

Gül düşelen geçen ýoly .

Edil mährem ejem ýaly,

Alçak gyzdyr aljak gyzym.

Meniň arzuwlarym aşa ak ,

Ah, yşkdan dolup daşamok .

Entek özümem duşamok ,

Alçak gyzdyr aljak gyzym .

Awtor: Kerim Hallyýew