Içim içime sygman,
Hiç kimiñ jañyn alman,
Assa ýagan ýagyş ýaly çisñedim,
Göreçlermiñ sokur ýerni ýagladym,
Agladym.

Hyýal gurdum gök asmanyñ astyndan,
Tekiz ýerde büdräp zemin üstünde,
Şemal össe gamyş ýaly galgadym,
Agladym.

Ejizlik erkege gelşenok welin,
Geçmiş demir ýaly geljegim ýelim,
Akmakda men, ölme elim salgadym,
Agladym.

Dünýeden örkümi üzesim gelmän,
Özümi topraga dözesim gelmän,
,,Geçer" diýip öz-özümi aldadym,
Agladym.

,,Şul oglan hemişe zeýrenýär..." Diýmäñ,
Ýas tutýar içimiñ içinde kinäm,
Egnimden düşürmän gussañ tabydyn,
Agladym.

Meniñ bu ykbaldan diläp alanym,
Şujagaz ak kagyz, gara galamym,
A şolaram ýakyp, ýyrtyp, dagadyp,
Agladym...

Awtory: Baýram Bejidow