Geçmejek ýalydyr,gussaly günler
Şonda,durmuşdanam höwesiň gaçar
Uzak görünse-de,gysgajyk ýyllar
Sabr et adamzat,hemme zat geçer

Il içinde bolar ýaly hormatyň
Işle,döret tä gaçýança gurpatyň
Entäk işläp ölen adam görmedim
Sabr et adamzat hemme zat geçer

Göz ýaşyň öwrülse goýulan gana
Aňsat aýdyp bolmaz,kimiň kimsäňe
Durmuş uran wagty gulak ýeňsäňe
Sabr et adamzat hemme zat geçer

Ynan bu dünýäde hiczat baky däl
Iň bärkisi öz janymam meňki däl
Hemme zat üýtgeýär,hiczat öňki däl
Sabr et adamzat hemme zat geçer