Söý meni! Ýürekden üzülen duýgym
Täzeden silkinip gelsin özüne
Seniñ söýgüñ ýanyp duran kalbymyñ
Söndürsün ga:ldyrman ýeke közünem.

Söý meni mundan öñ söýülmedik deý
Kuwwatlansyn, bu bedenim ýene-de.
Söýgüñ bilen üýtget asyl, durkumy
Meñzesin ol bir ajaýyp senede.

Söý meni! Ömrüne mähir ýetmedik
Ýüregim söýgüden paýyny alsyn,
Uçmakdan umydy kesilen göwnüm
Seniñ söýgüñ bilen asmana galsyn.

Söý meni! Söýüp bilýärkäñ heniz
Söýgüñ özem tapdyrmaz soñ belki-de
Şonuñ üçin elden bermän pursaty
Sen şu gün söý! Ynam bolmaz ertede..

Nurekowa Gülnäz.