Yşgyñ dälihanasynda,
Ýan bermedik bir telbe men
Ýerinde dursun ýüregim,
Owal amanat, elleme!.

Çapyp barýan bedew ýaly,
Çapyp barýar bu ömrümem,
Nerme-näzik bu göwnümiñ,
Tapyp bilemok göwnünem.

Soltany men akmaklaryñ,
Asyllylañ ýesiri men,
Ýeri dörjeläp tapmadym,
Asmanda ýok nesibimem.

Sen gowsy gonma gursagma,
Gonsañ ganatyñ tüýdüler,
Içigara däl men düşün,
Kalbyma kömür guýdylar.

Ynanman, ynanjak bolma,
Sygynman sygmajak ýerme,
Laçyn şahyr aýtmyşlaşyn:,
,,Söýgi gawun" ynam terne.

Diýme ,,kesir, özdiýenli",
Çepim-sagym oñuşanok,
Senem janygyp oturma,
Çyn söýenler gowuşanok...

Awtory: Baýram Bejidow