Bir söz diýmänkäň pikirlen. Belki onuňky dogrydyr.

Bir batyl kişi garaňky gijede egni küýzeli, eli çyraly ýol bilen ýöräp barýardy. Onuň öňünden bir ýaňra çykyp:
- Eý, nadan, seniň üçin gije boldy, gündiz boldy parhy näme? Seniň gözüň ýagtylygy ýa tümlügi saýgarmaýar, bu çyranyň saňa näme peýdasy bar? – diýdi. Batyl kişi güldi-de:
- Bu çyra özüm üçin däl-de, saňa meňzeş körýürek we akylsyzlaryň meniň bilen çakyşyp, egnimdäki küýzämi döwmezlikleri üçindir – diýdi.

Nadan halyna nadandan gowy düşünmez hiç kimse,
Eger ylmy Abu Aly Sinadan-da zyýat bolsa,
Gözi görýän gözli adam, ýazgarmawer görmeýäni,
Batyl kişiň öz işinde gözi görýär her zat bolsa.