Soñky döwür ynam gaçýar,
Ýa umydy üzermikä?,
Öz-özümden ara açýan,
Duýgylarmy süzermikä?.

Kalbym üşäp dur yssyda,
Ýeriñ üsti däl asty dar,
Gowylañ üstün basgylap,
Erbetleri düzermikä?.

Hyýallañ içini sermäp,
Sabrymyñ ýeñini çermäp,
Tow düşen täleými derñäp,
Düwünlerni çözermikä?

Öwün-hä öwünjeñ öwün,
Sözüñi bezesin ýüzüñ,
Ynjalyksyz, ynjyk göwün,
Hoşamaýlyk görermikä?.

Unudyldyk unutmadyk,
Kän-le utulyp utmadyk,
Söýgüñ parzyny tutmadyk,
Kazasyny berermikä?.

Artygma deñkä kem ýerim,
Çepime duşman sag elim,
Sözünde durýan az welin,
Wada berdi, durarmyka?.

Girip geljegiñ çetinden,
Nesipli güne ýetilse,
Şahadatnamasyn edinsem,
Hoş döwrany sürermikäm?...


Awtory: Baýram Bejidow