Aýasynda göteren topraga dil ýetirme
Saýasynda oturyp, ýapraga dil ýetirme
Gülseň ýürekden gül sen, kalpda kine göterme
Sanjysyn bilip-bilmän, kükrege dil ýetirme
Tanaman aslyn-neslin, durkuna dil ýetirme
Çeken jepasyn bilmän, gorkaga dil ýetirme
Göterenden gep tapman, telpege dil ýetirme
İki söz başyn çatman, peltege dil ýetirme
El ýetmese dalbara, üzüme dil ýetirme
Söz geçmese dilbere, gözüne dil ýetirme
Gyzyň bar özgä gülüp, dyzyň urup oturma
Ogluň bar ogra gülüp, gazananyň ýitirme
Süýji sözlâp gitseler, eräp akyp oturma
Başyna täç etseler depä çykyp oturma
Bu bäş günlik dünýedir, hiç kime el göterme
Ahyr barjak ýeriňdir topraga dil ýetirme!