Köp zat islemedim pany dünýeden,
Derdimiñ derdinden dumanly serim,
Uçmagy arzuwlan göwnümi güýmäp,
Maña symrug guşuñ ýelegni beriñ!.

Herne üzlen ýaly mähir damarym,
Gursagym gussaly, ýürek ýamaly,
Ykbalym süzenok ýagşy- ýamany,
Durmuşuñ süzgüçli elegni beriñ!.

Belki geçmişimde galsyn şo günler,
Eger gaýdyp gelse dörär düwünler,
Kanagatym synýar soñky döwürler,
Kalbyma sabyryñ çelegni beriñ!

Herkim bir-biregi duzlaşyp barýar,
Geljek ýalan bilen sazlaşyp barýar,
Uzakmy bu ýollar?, azaşyp barýan,
Ýapyşyp ýöräre kelebni beriñ!...

Awtory: Baýram Bejidow