Hytaýly oglanjyk Rubigyň kubyny düzmekde dünýä rekordyny täzeledi.

Hytaýly Ihen Wan kubik rubigy tiz düzmekde dünýä rekordyny goýdy. Malaýziýanyň Kuala-Lumpur şäherinde 12 martda geçirilen ýaryşda ýaş spidkuber 5 sany synanyşygynda 4.35, 3.9, 4.41, 5.31 we 6.16 sekunt wagtlary görkezdi. Onuň çykyşy kameralarda ýazgy edilen hem bolsa, eliniň hereketlerini görmek gaty kyn.

Bütindünýä kublar assosiasiýasynyň düzgünlerine görä, kuby düzmegiň ortaça tizligi hasaplananda 5 sany synanyşykdan iň tiz we iň haýal düzülen gezekleri hasaba alynman, beýleki 3 synanşygyň ortalanmasy hasaplanýar. Netijede, Ihenyň wagty 4.69 sekunt wagty görkezdi. Bu Ginnesiň rekordlar kitabyna girizilen täze dünýä rekordydyr. Kuby düzmekde ortaça tizligiň öňki dünýä rekordy 4.86 sekuntdy.

3×3×3 ölçegli kuby bir gezekde tiz düzmegiň rekordy hem hytaýly oglana degişlidigi bellärliklidir. 2018-nji ýylda Ýuşeng Du kubigy 3.47 sekuntda düzmegi başarypdy.