Kynçylygy ýeñmek bilen sabyr et,
Diýmegin" Başymdan agdykdyr derdim"
Şu günüñe edip bilseñ şükür et,
Howlykman ýöräber ädimme ädim

Nebisiñ özüñden geçäýse öñe,
Bolarsyñ ýöne bir duranja sa:lgym,
Baryña maýyl hem kaýyl bolupda
Howlykman ýöräber ädimme ädim,

Öz-özüñe berme artyk bahany,
Tutsun gowulykda il seniñ adyñ,
Hars urup bolşuñdan beter bolmada,
Howlykman ýöräber ädimme ädim

Käteler ýykylyp, käte-de galyp,
Ýazgytda ýazylan paýyñy alyp
Seni ýaradany ýadyña salyp,
Howlukman ýöräber ädimme ädim.

Awtory:Ýakup Allabaýew